كل قصة بيت، بتبلش بأول مربع.
المنصة العقارية العربية الأولى للبلدات والمدن العربية
الناصرةالناصرة
حيفاحيفا
طمرةطمرة
أم الفحمأم الفحم
شفاعمرشفاعمرقصتنا
لما قررنا ننتقل من بيتنا بحيفا ونروح نسكن بإحدى البلدات العربية بالشمال، بلشنا ندور على بيت مناسب للإيجار. عملية البحث كانت صعبة ومتعبة، ما كان في أي موقع أو أداة بتساعدنا. بلشنا نتصل بأصحاب ومعارف، نسأل إذا حدا بعرف عن بيوت فاضية. بعد أكتر من شهر ونص، لقينا اللي بدنا إياه بالصدفة البحتة.
ومن هون إجت الفكرة، ليش ما يكون في مكان واحد، مرتب وواضح، بالعربي، بيجمع كل البيوت والعقارات المعروضة للبيع أو الإيجار بالبلدات والقرى والمدن العربية؟ ليش البحث عن بيت لسا بعتمد على الحظ والمعارف؟
هيك ولدت فكرة مربع.
شو هي مربع؟
مربع هي منصة عقارية رقمية عربية بالكامل، مصممة عشان تسهّل على الناس تلاقي بيوت وشقق للإيجار أو البيع بالبلدات والمدن العربية.
مش نسخة مترجمة من موقع ثاني. مربع حل أصيل، طالع من قلب المجتمع عشان يخدم المجتمع، بلغته، بأسلوبه، وبطريقة بفهمها وبوثق فيها.
إذا بتدور على بيت، مربع بتساعدك تلاقيه. وإذا عندك بيت أو شقة وحابب تعرضها، مربع بتعطيك المكان اللي يوصل إعلانك للناس الصح.
ليش مربع؟
بظل أزمة الأرض والسكن بمجتمعنا العربي، وبظل غلاء الأراضي والعقارات، كتير من الشباب صاروا يشوفوا بالإيجار فرصة يبلشوا حياتهم من غير ما يضطروا يدفعوا مبالغ كبيرة. الطلب على الإيجار بالبلدات العربية عم بزيد كل سنة، بس لسا ما في أي أداة بتنظم هالعملية أو بتسوّق العقارات بصورة مرتبة.
مربع إجت عشان تحل هالمشكلة. عشان البحث عن بيت يبطل يعتمد على الحظ والمعارف، ويصير سهل، مرتب، وبالعربي.
قيمنا
مجتمعية
إحنا مش شركة غريبة عن المجتمع. إحنا منكم وفيكم، وبنفهم شو بتمروا فيه لأنه إحنا مرينا بنفس الشي.
بساطة
بدل التعقيد والتعب بالبحث، مربع بتقدملك تجربة سهلة وواضحة. كل إشي بالمنصة مصمم عشان يكون بسيط ومفهوم.
ثقة
مربع بتبني جسر ثقة بين اللي بدور على بيت وصاحب البيت. الصدق والشفافية هم الأساس بكل إشي بنعمله.
تمكين
مربع بتعطي الشباب الأدوات اللي بتلزمهم عشان ياخدوا قرار مهم بحياتهم بثقة. البحث عن بيت بطل يعتمد على الحظ.
لمين مربع؟
اللي بدوروا على بيت
الشباب والأزواج الجداد في المجتمع العربي، أعمارهم غالبًا بين 22 و35 سنة. بدوروا على شقق أو بيوت للإيجار كخطوة أولى بحياتهم المستقلة أو الزوجية. بحتاجوا منصة سهلة، بالعربي، بتعطي خيارات واضحة وجديدة، مع إمكانية البحث حسب البلد والسعر ونوع البيت.
أصحاب البيوت والعقارات
ملاك عقارات ووكلاء عقاريون بالبلدات والمدن العربية اللي حابين يعرضوا بيوتهم للإيجار أو البيع. بحتاجوا أداة نشر سهلة ومرتبة، وصول واسع للجمهور الصح، وعرض محترف لعقاراتهم.
رؤيتنا
نطمح نكون المنصة العقارية الأولى والأكثر موثوقية في المجتمع العربي، المرجع الأول لكل حدا بدور على بيت أو بده يسوّق عقاره. منصة مفتوحة لكل الناس، بتحكي بلغة مجتمعنا وبتفهم احتياجاته. بدنا نمكّن الشباب والعائلات العربية من إنهم يلاقوا بيتهم الجاي بسهولة وثقة، من خلال منصة رقمية عربية بالكامل، مرتبة وعصرية، بتجمع الباحثين عن بيوت وأصحاب العقارات بمكان واحد.
بتدور على بيت؟ يلا ابدأ دوّر.
عندك بيت أو شقة؟ نزّل إعلانك وخلّي كل البلد تشوفه.
مربع — عشان ما حدا يضل يدور لحاله.