كل قصّة بيت، بتبلّش بأول مُربّع.

قصّتنا

لمّا قرّرنا ننتقل من بيتنا بحيفا ونروح نسكن بإحدى البلدات العربيّة بالشمال، بلّشنا ندوّر على بيت مناسب للإيجار. عمليّة البحث كانت صعبة ومتعبة، ما كان في أيّ موقع أو أداة بتساعدنا. بلّشنا نتّصل بأصحاب ومعارف، نسأل إذا حدا بيعرف عن بيوت فاضية. بعد أكتر من شهر ونصّ، لقينا اللّي بدنا إيّاه بالصدفة البحتة.

ومن هون إجت الفكرة، ليش ما يكون في مكان واحد، مرتّب وواضح، بالعربي، بيجمع كل البيوت والعقارات المعروضة للبيع أو الإيجار بالبلدات والقرى والمدن العربيّة؟ ليش البحث عن بيت لسّا بيعتمد على الحظّ والمعارف؟

هيك ولدت فكرة مُربّع.

ليش مُربّع؟

بظلّ أزمة الأرض والسكن بمجتمعنا العربي، وبظلّ غلاء الأراضي والعقارات، كتير من الشباب صاروا يشوفوا بالإيجار فرصة يبلّشوا حياتهم من غير ما يضطرّوا يدفعوا مبالغ كبيرة. الطلب على الإيجار بالبلدات العربيّة عم بيزيد كل سنة، بس لسّا ما في أيّ أداة بتنظّم هالعمليّة أو بتسوّق العقارات بصورة مرتّبة.

مُربّع إجت عشان تحلّ هالمشكلة. عشان البحث عن بيت يبطّل يعتمد على الحظّ والمعارف، ويصير سهل، مرتّب، وبالعربي.